ΙΣΟΚΡΑΤΗΣ - ΠΑΝΗΓΥΡΙΚΟΣ
121      ΠΛΗΝ ΓΑΡ ΤΟΥΤΟΥ ΤΙ ΤΩΝ ΑΛΛΩΝ ΥΠΟΛΟΙΠΟΝ ΕΣΤΙΝ; ΟΥ ΚΑΙ ΤΟΥ ΠΟΛΕΜΟΥ ΚΥΡΙΟΣ ΕΓΕΝΕΤΟ ΚΑΙ ΤΗΝ ΕΙΡΗΝΗΝ ΕΠΡΥΤΑΝΕΥΣΕΝ ΚΑΙ ΤΩΝ ΠΑΡΟΝΤΩΝ ΠΡΑΓΜΑΤΩΝ ΕΠΙΣΤΑΤΗΣ ΚΑΘΕΣΤΗΚΕΝ; ΟΥΧ ΩΣ ΕΚΕΙΝΟΝ ΠΛΕΟΜΕΝ ΩΣΠΕΡ ΠΡΟΣ ΔΕΣΠΟΤΗΝ ΑΛΛΗΛΩΝ ΚΑΤΗΓΟΡΗΣΟΝΤΕΣ; ΟΥ ΒΑΣΙΛΕΑ ΤΟΝ ΜΕΓΑΝ ΑΥΤΟΝ ΠΡΟΣΑΓΟΡΕΥΟΜΕΝ ΩΣΠΕΡ ΑΙΧΜΑΛΩΤΟΙ ΓΕΓΟΝΟΤΕΣ; ΟΥΚ ΕΝ ΤΟΙΣ ΠΟΛΕΜΟΙΣ ΤΟΙΣ ΠΡΟΣ ΑΛΛΗΛΟΥΣ ΕΝ ΕΚΕΙΝΩ ΤΑΣ ΕΛΠΙΔΑΣ ΕΧΟΜΕΝ ΤΗΣ ΣΩΤΗΡΙΑΣ, ΟΣ ΑΜΦΟΤΕΡΟΥΣ ΗΜΑΣ ΗΔΕΩΣ ΑΝ ΑΠΟΛΕΣΕΙΕΝ;
122      ΩΝ ΑΞΙΟΝ ΕΝΘΥΜΗΘΕΝΤΑΣ ΑΓΑΝΑΚΤΗΣΑΙ ΜΕΝ ΕΠΙ ΤΟΙΣ ΠΑΡΟΥΣΙΝ, ΠΟΘΕΣΑΙ ΔΕ ΤΗΝ ΗΓΕΜΟΝΙΑΝ ΤΗΝ ΗΜΕΤΕΡΑΝ, ΜΕΜΨΑΣΘΑΙ ΔΕ ΛΑΚΕΔΑΙΜΟΝΙΟΥΣ ΟΤΙ ΤΗΝ ΜΕΝ ΑΡΧΗΝ ΕΙΣ ΤΟΝ ΠΟΛΕΜΟΝ ΚΑΤΕΣΤΗΣΑΝ ΩΣ ΕΛΕΥΘΕΡΩΣΟΝΤΕΣ ΤΟΥΣ ΕΛΛΗΝΑΣ, ΕΠΙ ΔΕ ΤΕΛΕΥΤΗΣ ΟΥΤΩ ΠΟΛΛΟΥΣ ΑΥΤΩΝ ΕΚΔΟΤΟΥΣ [ΤΟΙΣ ΒΑΡΒΑΡΟΙΣ] ΕΠΟΙΗΣΑΝ, ΚΑΙ ΤΗΣ ΜΕΝ ΗΜΕΤΕΡΑΣ ΠΟΛΕΩΣ ΤΟΥΣ ΙΩΝΑΣ ΑΠΕΣΤΗΣΑΝ ΕΞ ΗΣ ΑΠΩΚΗΣΑΝ ΚΑΙ ΔΙ’ ΗΝ ΠΟΛΛΑΚΙΣ ΕΣΩΘΗΣΑΝ, ΤΟΙΣ ΔΕ ΒΑΡΒΑΡΟΙΣ ΑΥΤΟΥΣ ΕΞΕΔΟΣΑΝ ΩΝ ΑΚΟΝΤΩΝ ΤΗΝ ΧΩΡΑΝ ΕΧΟΥΣΙΝ ΚΑΙ ΠΡΟΣ ΟΥΣ ΟΥΔΕ ΠΩΠΟΤ’ ΕΠΑΥΣΑΝΤΟ ΠΟΛΕΜΟΥΝΤΕΣ.
123      ΚΑΙ ΤΟΤΕ ΜΕΝ ΗΓΑΝΑΚΤΟΥΝ, ΟΘ’ ΗΜΕΙΣ ΝΟΜΙΜΩΣ ΕΠΑΡΧΕΙΝ ΤΙΝΩΝ ΗΞΙΟΥΜΕΝ: ΝΥΝ Δ’ ΕΙΣ ΤΟΙΑΥΤΗΝ ΔΟΥΛΕΙΑΝ ΚΑΘΕΣΤΩΤΩΝ ΟΥΔΕΝ ΦΡΟΝΤΙΖΟΥΣΙΝ ΑΥΤΩΝ, ΟΙΣ ΟΥΚ ΕΞΑΡΚΕΙ ΔΑΣΜΟΛΟΓΕΙΣΘΑΙ ΚΑΙ ΤΑΣ ΑΚΡΟΠΟΛΕΙΣ ΟΡΑΝ ΥΠΟ ΤΩΝ ΕΧΘΡΩΝ ΚΑΤΕΧΟΜΕΝΑΣ, ΑΛΛΑ ΠΡΟΣ ΤΑΙΣ ΚΟΙΝΑΙΣ ΣΥΜΦΟΡΑΙΣ ΚΑΙ ΤΟΙΣ ΣΩΜΑΣΙΝ ΔΕΙΝΟΤΕΡΑ ΠΑΣΧΟΥΣΙΝ ΤΩΝ ΠΑΡ΄ ΗΜΙΝ ΑΡΓΥΡΩΝΗΤΩΝ: ΟΥΔΕΙΣ ΓΑΡ ΗΜΩΝ ΟΥΤΩΣ ΑΙΚΙΖΕΤΑΙ ΤΟΥΣ ΟΙΚΕΤΑΣ ΩΣ ΕΚΕΙΝΟΙ ΤΟΥΣ ΕΛΕΥΘΕΡΟΥΣ ΚΟΛΑΖΟΥΣΙΝ.
124      ΜΕΓΙΣΤΟΝ ΔΕ ΤΩΝ ΚΑΚΩΝ, ΟΤΑΝ ΥΠΕΡ ΑΥΤΗΣ ΤΗΣ ΔΟΥΛΕΙΑΣ ΑΝΑΓΚΑΖΩΝΤΑΙ ΣΥΣΤΡΑΤΕΥΕΣΘΑΙ, ΚΑΙ ΠΟΛΕΜΕΙΝ ΤΟΙΣ ΕΛΕΥΘΕΡΟΙΣ ΑΞΙΟΥΣΙΝ ΕΙΝΑΙ, ΚΑΙ ΤΟΙΟΥΤΟΥΣ ΚΙΝΔΥΝΟΥΣ ΥΠΟΜΕΝΕΙΝ ΕΝ ΟΙΣ ΗΤΤΗΘΕΝΤΕΣ ΜΕΝ ΠΑΡΑΧΡΗΜΑ ΔΙΑΦΘΑΡΗΣΟΝΤΑΙ, ΚΑΤΟΡΘΩΣΑΝΤΕΣ ΔΕ ΜΑΛΛΟΝ ΕΙΣ ΤΟΝ ΛΟΙΠΟΝ ΧΡΟΝΟΝ ΔΟΥΛΕΥΣΟΥΣΙΝ.
125      ΩΣ ΤΙΝΑΣ ΑΛΛΟΥΣ ΑΙΤΙΟΥΣ ΧΡΗ ΝΟΜΙΖΕΙΝ Η ΛΑΚΕΔΑΙΜΟΝΙΟΥΣ, ΟΙ ΤΟΣΑΥΤΗΝ ΙΣΧΥΝ ΕΧΟΝΤΕΣ ΠΕΡΙΟΡΩΣΙ ΤΟΥΣ ΜΕΝ ΑΥΤΩΝ ΣΥΜΜΑΧΟΥΣ ΓΕΝΟΜΕΝΟΥΣ ΟΥΤΩ ΔΕΙΝΑ ΠΑΣΧΟΝΤΑΣ, ΤΟΝ ΔΕ ΒΑΡΒΑΡΟΝ ΤΗ ΤΩΝ ΕΛΛΗΝΩΝ ΡΩΜΗ ΤΗΝ ΑΡΧΗΝ  ΤΗΝ ΑΥΤΟΥ ΚΑΤΑΣΚΕΥΑΖΟΜΕΝΟΝ; ΚΑΙ ΠΡΟΤΕΡΟΝ ΜΕΝ ΤΟΥΣ <ΜΕΝ> ΤΥΡΑΝΝΟΥΣ ΕΞΕΒΑΛΛΟΝ, ΤΩ ΔΕ ΠΛΗΘΕΙ ΤΑΣ ΒΟΗΘΕΙΑΣ ΕΠΟΙΟΥΝΤΟ, ΝΥΝ ΔΕ [ΕΙΣ] ΤΟΣΟΥΤΟΝ ΜΕΤΑΒΕΒΛΗΚΑΣΙΝ ΩΣΤΕ ΤΑΙΣ ΜΕΝ ΠΟΛΙΤΕΙΑΙΣ ΠΟΛΕΜΟΥΣΙΝ, ΤΑΣ ΔΕ ΜΟΝΑΡΧΙΑΣ ΣΥΓΚΑΘΙΣΤΑΣΙΝ.
126     ΤΗΝ ΜΕΝ ΓΕ ΜΑΝΤΙΝΕΩΝ ΠΟΛΙΝ ΕΙΡΗΝΗΣ ΗΔΗ ΓΕΓΕΝΗΜΕΝΗΣ ΑΝΑΣΤΑΤΟΝ ΕΠΟΙΗΣΑΝ, ΚΑΙ ΤΗΝ ΘΗΒΑΙΩΝ ΚΑΔΜΕΙΑΝ ΚΑΤΕΛΑΒΟΝ, ΚΑΙ ΝΥΝ ΟΛΥΝΘΙΟΥΣ ΚΑΙ ΦΛΕΙΑΣΙΟΥΣ ΠΟΛΙΟΡΚΟΥΣΙΝ, ΑΜΥΝΤΑ ΔΕ ΤΩ ΜΑΚΕΔΟΝΩΝ ΒΑΣΙΛΕΙ ΚΑΙ ΔΙΟΝΥΣΙΩ ΤΩ ΣΙΚΕΛΙΑΣ ΤΥΡΑΝΝΩ ΚΑΙ ΤΩ ΒΑΡΒΑΡΩ ΤΩ ΤΗΣ ΑΣΙΑΣ ΚΡΑΤΟΥΝΤΙ ΣΥΜΠΡΑΤΤΟΥΣΙΝ, ΟΠΩΣ ΩΣ ΜΕΓΙΣΤΗΝ ΑΡΧΗΝ ΕΞΟΥΣΙΝ.
127      ΚΑΙΤΟΙ ΠΩΣ ΟΥΚ ΑΤΟΠΟΝ ΤΟΥΣ ΠΡΟΕΣΤΩΤΑΣ ΤΩΝ ΕΛΛΗΝΩΝ ΕΝΑ ΜΕΝ ΑΝΔΡΑ ΤΟΣΟΥΤΩΝ ΑΝΘΡΩΠΩΝ ΚΑΘΙΣΤΑΝΑΙ ΔΕΣΠΟΤΗΝ ΩΝ ΟΥΔΕ ΤΟΝ ΑΡΙΘΜΟΝ ΕΞΕΥΡΕΙΝ ΡΑΔΙΟΝ ΕΣΤΙΝ, ΤΑΣ ΔΕ ΜΕΓΙΣΤΑΣ ΤΩΝ ΠΟΛΕΩΝ ΜΗΔ’ ΑΥΤΑΣ ΑΥΤΩΝ ΕΑΝ ΕΙΝΑΙ ΚΥΡΙΑΣ, ΑΛΛ’ ΑΝΑΓΚΑΖΕΙΝ ΔΟΥΛΕΥΕΙΝ Η ΤΑΙΣ ΜΕΓΙΣΤΑΙΣ ΣΥΜΦΟΡΑΙΣ ΠΕΡΙΒΑΛΛΕΙΝ;
128     Ο ΔΕ ΠΑΝΤΩΝ ΔΕΙΝΟΤΑΤΟΝ, ΟΤΑΝ ΤΙΣ ΙΔΗ ΤΟΥΣ ΤΗΝ ΗΓΕΜΟΝΙΑΝ ΕΧΕΙΝ ΑΞΙΟΥΝΤΑΣ ΕΠΙ ΜΕΝ ΤΟΥΣ ΕΛΛΗΝΑΣ ΚΑΘ’ ΕΚΑΣΤΗΝ ΗΜΕΡΑΝ ΣΤΡΑΤΕΥΟΜΕΝΟΥΣ, ΠΡΟΣ ΔΕ ΤΟΥΣ ΒΑΡΒΑΡΟΥΣ ΕΙΣ ΑΠΑΝΤΑ ΤΟΝ ΧΡΟΝΟΝ ΣΥΜΜΑΧΙΑΝ ΠΕΠΟΙΗΜΕΝΟΥΣ.
129     ΚΑΙ ΜΗΔΕΙΣ ΥΠΟΛΑΒΗ ΜΕ ΔΥΣΚΟΛΩΣ ΕΧΕΙΝ, ΟΤΙ ΤΡΑΧΥΤΕΡΟΝ ΤΟΥΤΩΝ ΕΜΝΗΣΘΗΝ, ΠΡΟΕΙΠΩΝ ΩΣ ΠΕΡΙ ΔΙΑΛΛΑΓΩΝ ΠΟΙΗΣΟΜΑΙ ΤΟΥΣ ΛΟΓΟΥΣ: ΟΥ ΓΑΡ ΙΝΑ ΠΡΟΣ ΤΟΥΣ ΑΛΛΟΥΣ ΔΙΑΒΑΛΩ ΤΗΝ ΠΟΛΙΝ ΤΗΝ ΛΑΚΕΔΑΙΜΟΝΙΩΝ ΟΥΤΩΣ ΕΙΡΗΚΑ ΠΕΡΙ ΑΥΤΩΝ, ΑΛΛ’ ΙΝ’ ΑΥΤΟΥΣ ΕΚΕΙΝΟΥΣ ΠΑΥΣΩ, ΚΑΘ’ ΟΣΟΝ Ο ΛΟΓΟΣ ΔΥΝΑΤΑΙ, ΤΟΙΑΥΤΗΝ ΕΧΟΝΤΑΣ ΤΗΝ ΓΝΩΜΗΝ.`
130     ΕΣΤΙΝ Δ’ ΟΥΧ ΟΙΟΝ Τ’ ΑΠΟΤΡΕΠΕΙΝ ΤΩΝ ΑΜΑΡΤΗΜΑΤΩΝ, ΟΥΔ’ ΕΤΕΡΩΝ ΠΡΑΞΕΩΝ ΠΕΙΘΕΙΝ ΕΠΙΘΥΜΕΙΝ, ΗΝ ΜΗ ΤΙΣ ΕΡΡΩΜΕΝΩΣ ΕΠΙΤΙΜΗΣΗ ΤΟΙΣ ΠΑΡΟΥΣΙΝ: ΧΡΗ ΔΕ ΚΑΤΗΓΟΡΕΙΝ ΜΕΝ ΗΓΕΙΣΘΑΙ ΤΟΥΣ ΕΠΙ ΒΛΑΒΗ ΤΟΙΑΥΤΑ ΛΕΓΟΝΤΑΣ, ΝΟΥΘΕΤΕΙΝ ΔΕ ΤΟΥΣ ΕΠ’ ΩΦΕΛΕΙΑ ΛΟΙΔΟΡΟΥΝΤΑΣ. ΤΟΝ ΓΑΡ ΑΥΤΟΝ ΛΟΓΟΝ ΟΥΧ ΟΜΟΙΩΣ ΥΠΟΛΑΜΒΑΝΕΙΝ ΔΕΙ, ΜΗ ΜΕΤΑ ΤΗΣ ΑΥΤΗΣ ΔΙΑΝΟΙΑΣ ΛΕΓΟΜΕΝΟΝ.
131      ΕΠΕΙ ΚΑΙ ΤΟΥΤ’ ΕΧΟΜΕΝ ΑΥΤΟΙΣ ΕΠΙΤΙΜΑΝ ΟΤΙ ΤΗ ΜΕΝ ΑΥΤΩΝ ΠΟΛΕΙ ΤΟΥΣ ΟΜΟΡΟΥΣ ΕΙΛΩΤΕΥΕΙΝ ΑΝΑΓΚΑΖΟΥΣΙΝ, ΤΩ ΔΕ ΚΟΙΝΩ ΤΩ ΤΩΝ ΣΥΜΜΑΧΩΝ ΟΥΔΕΝ ΤΟΙΟΥΤΟΝ ΚΑΤΑΣΚΕΥΑΖΟΥΣΙΝ, ΕΞΟΝ ΑΥΤΟΙΣ ΤΑΣ ΠΡΟΣ ΗΜΑΣ ΔΙΑΛΥΣΑΜΕΝΟΙΣ ΑΠΑΝΤΑΣ ΤΟΥΣ ΒΑΡΒΑΡΟΥΣ ΠΕΡΙΟΙΚΟΥΣ ΟΛΗΣ ΤΗΣ ΕΛΛΑΔΟΣ ΚΑΤΑΣΤΗΝΑΙ.
132      ΚΑΙΤΟΙ ΧΡΗ ΤΟΥΣ ΦΥΣΕΙ ΚΑΙ ΜΗ ΔΙΑ ΤΥΧΗΝ ΜΕΓΑ ΦΡΟΝΟΥΝΤΑΣ ΤΟΙΟΥΤΟΙΣ ΕΡΓΟΙΣ ΕΠΙΧΕΙΡΕΙΝ ΠΟΛΎ ΜΑΛΛΟΝ Η ΤΟΥΣ ΝΗΣΙΩΤΑΣ ΔΑΣΜΟΛΟΓΕΙΝ, ΟΥΣ ΑΞΙΟΝ ΕΣΤΙΝ ΕΛΕΕΙΝ, ΟΡΩΝΤΑΣ ΤΟΥΤΟΥΣ ΜΕΝ ΔΙΑ ΣΠΑΝΙΟΤΗΤΑ ΤΗΣ ΓΗΣ ΟΡΗ ΓΕΩΡΓΕΙΝ ΑΝΑΓΚΑΖΟΜΕΝΟΥΣ, ΤΟΥΣ Δ’ ΗΠΕΙΡΩΤΑΣ ΔΙ’ ΑΦΘΟΝΙΑΝ ΤΗΣ ΧΩΡΑΣ ΤΗΝ ΜΕΝ ΠΛΕΙΣΤΗΝ ΑΥΤΗΣ ΑΡΓΟΝ ΠΕΡΙΟΡΩΝΤΑΣ, ΕΞ ΗΣ ΔΕ ΚΑΡΠΟΥΝΤΑΙ ΤΟΣΟΥΤΟΝ ΠΛΟΥΤΟΝ ΚΕΚΤΗΜΕΝΟΥΣ.
133      ΗΓΟΥΜΑΙ Δ’ ΕΙ ΤΙΝΕΣ ΑΛΛΟΘΕΝ ΕΠΕΛΘΟΝΤΕΣ ΘΕΑΤΑΙ ΓΕΝΟΙΝΤΟ ΤΩΝ ΠΑΡΟΝΤΩΝ ΠΡΑΓΜΑΤΩΝ, ΠΟΛΛΗΝ ΑΝ ΑΥΤΟΥΣ ΚΑΤΑΓΝΩΝΑΙ ΜΑΝΙΑΝ ΑΜΦΟΤΕΡΩΝ ΗΜΩΝ, ΟΙΤΙΝΕΣ ΟΥΤΩ ΠΕΡΙ ΜΙΚΡΩΝ ΚΙΝΔΥΝΕΥΟΜΕΝ, ΕΞΟΝ ΑΔΕΩΣ ΠΟΛΛΑ ΚΕΚΤΗΣΘΑΙ, ΚΑΙ ΤΗΝ ΗΜΕΤΕΡΑΝ ΑΥΤΩΝ ΧΩΡΑΝ ΔΙΑΦΘΕΙΡΟΜΕΝ, ΑΜΕΛΗΣΑΝΤΕΣ ΤΗΝ ΑΣΙΑΝ ΚΑΡΠΟΥΣΘΑΙ.
134      ΚΑΙ ΤΩ ΜΕΝ ΟΥΔΕΝ ΠΡΟΥΡΓΙΑΙΤΕΡΟΝ ΕΣΤΙΝ Η ΣΚΟΠΕΙΝ ΕΞ ΩΝ ΜΗΔΕΠΟΤΕ ΠΑΥΣΟΜΕΘΑ ΠΡΟΣ ΑΛΛΗΛΟΥΣ ΠΟΛΕΜΟΥΝΤΕΣ: ΗΜΕΙΣ ΔΕ ΤΟΣΟΥΤΟΥ ΔΕΟΜΕΝ ΣΥΓΚΡΟΥΕΙΝ ΤΙ ΤΩΝ ΕΚΕΙΝΟΥ ΠΡΑΓΜΑΤΩΝ Η ΠΟΙΕΙΝ ΣΤΑΣΙΑΖΕΙΝ ΩΣΤΕ ΚΑΙ ΤΑΣ ΔΙΑ ΤΥΧΗΝ ΑΥΤΩ ΓΕΓΕΝΗΜΕΝΑΣ ΤΑΡΑΧΑΣ ΣΥΝΔΙΑΛΥΕΙΝ ΕΠΙΧΕΙΡΟΥΜΕΝ, ΟΙΤΙΝΕΣ ΚΑΙ ΤΟΙΝ ΣΤΡΑΤΟΠΕΔΟΙΝ ΤΟΙΝ ΠΕΡΙ ΚΥΠΡΟΝ ΕΩΜΕΝ ΑΥΤΟΝ ΤΩ ΜΕΝ ΧΡΗΣΘΑΙ, ΤΟ ΔΕ ΠΟΛΙΟΡΚΕΙΝ, ΑΜΦΟΤΕΡΟΙΝ ΑΥΤΟΙΣ ΤΗΣ ΕΛΛΑΔΟΣ ΟΝΤΟΙΝ.
135      ΟΙ ΤΕ ΓΑΡ ΑΦΕΣΤΩΤΕΣ ΠΡΟΣ ΗΜΑΣ Τ’ ΟΙΚΕΙΩΣ ΕΧΟΥΣΙΝ ΚΑΙ ΛΑΚΕΔΑΙΜΟΝΙΟΙΣ ΣΦΑΣ ΑΥΤΟΥΣ ΕΝΔΙΔΟΑΣΙΝ, ΤΩΝ ΤΕ ΜΕΤΑ ΤΕΙΡΙΒΑΖΟΥ ΣΤΡΑΤΕΥΟΜΕΝΩΝ ΚΑΙ ΤΟΥ ΠΕΖΟΥ ΤΟ ΧΡΗΣΙΜΩΤΑΤΟΝ ΕΚ ΤΩΝΔΕ ΤΩΝ ΤΟΠΩΝ ΗΘΡΟΙΣΤΑΙ, ΚΑΙ ΤΟΥ ΝΑΥΤΙΚΟΥ ΤΟ ΠΛΕΙΣΤΟΝ ΑΠ’ ΙΩΝΙΑΣ ΣΥΜΠΕΠΛΕΥΚΕΝ, ΟΙ ΠΟΛΥ ΑΝ ΗΔΙΟΝ ΚΟΙΝΗ ΤΗΝ ΑΣΙΑΝ ΕΠΟΡΘΟΥΝ Η ΠΡΟΣ ΑΛΛΗΛΟΥΣ ΕΝΕΚΑ ΜΙΚΡΩΝ ΕΚΙΝΔΥΝΕΥΟΝ.
136      ΩΝ ΗΜΕΙΣ ΟΥΔΕΜΙΑΝ ΠΟΙΟΥΜΕΘΑ ΠΡΟΝΟΙΑΝ, ΑΛΛΑ ΠΕΡΙ ΜΕΝ ΤΩΝ ΚΥΚΛΑΔΩΝ ΝΗΣΩΝ ΑΜΦΙΣΒΗΤΟΥΜΕΝ, ΤΟΣΑΥΤΑΣ ΔΕ ΤΟ ΠΛΗΘΟΣ ΠΟΛΕΙΣ ΚΑΙ ΤΗΛΙΚΑΥΤΑΣ ΤΟ ΜΕΓΕΘΟΣ ΔΥΝΑΜΕΙΣ ΟΥΤΩΣ ΕΙΚΗ ΤΩ ΒΑΡΒΑΡΩ ΠΑΡΑΔΕΔΩΚΑΜΕΝ. ΤΟΙΓΑΡΟΥΝ ΤΑ ΜΕΝ ΕΧΕΙ, ΤΑ ΔΕ ΜΕΛΛΕΙ, ΤΟΙΣ Δ’ ΕΠΙΒΟΥΛΕΥΕΙ, ΔΙΚΑΙΩΣ ΑΠΑΝΤΩΝ ΗΜΩΝ ΚΑΤΑΠΕΦΡΟΝΗΚΩΣ.
137      ΔΙΑΠΕΠΡΑΚΤΑΙ ΓΑΡ Ο ΤΩΝ ΕΚΕΙΝΟΥ ΠΡΟΓΟΝΩΝ ΟΥΔΕΙΣ ΠΩΠΟΤΕ: ΤΗΝ ΤΕ ΓΑΡ ΑΣΙΑΝ ΔΙΩΜΟΛΟΓΗΤΑΙ ΚΑΙ ΠΑΡ’ ΗΜΩΝ ΚΑΙ ΠΑΡΑ ΛΑΚΕΔΑΙΜΟΝΙΩΝ ΒΑΣΙΛΕΩΣ ΕΙΝΑΙ, ΤΑΣ ΤΕ ΠΟΛΕΙΣ ΤΑΣ ΕΛΛΗΝΙΔΑΣ ΟΥΤΩ ΚΥΡΙΩΣ ΠΑΡΕΙΛΗΦΕΝ ΩΣΤΕ ΤΑΣ ΜΕΝ ΑΥΤΩΝ ΚΑΤΑΣΚΑΠΤΕΙΝ, ΕΝ ΔΕ ΤΑΙΣ ΑΚΡΟΠΟΛΕΙΣ ΕΝΤΕΙΧΙΖΕΙΝ. ΚΑΙ ΤΑΥΤΑ ΠΑΝΤΑ ΓΕΓΟΝΕΝ ΔΙΑ ΤΗΝ ΗΜΕΤΕΡΑΝ ΑΝΟΙΑΝ, ΑΛΛ’ ΟΥ ΔΙΑ ΤΗΝ ΕΚΕΙΝΟΥ ΔΥΝΑΜΙΝ.
138      ΚΑΙΤΟΙ ΤΙΝΕΣ ΘΑΥΜΑΖΟΥΣΙΝ ΤΟ ΜΕΓΕΘΟΣ ΤΩΝ ΒΑΣΙΛΕΩΣ ΠΡΑΓΜΑΤΩΝ ΚΑΙ ΦΑΣΙΝ ΑΥΤΟΝ ΕΙΝΑΙ ΔΥΣΠΟΛΕΜΗΤΟΝ, ΔΙΕΞΙΟΝΤΕΣ ΩΣ ΠΟΛΛΑΣ ΤΑΣ ΜΕΤΑΒΟΛΑΣ ΤΟΙΣ ΕΛΛΗΣΙΝ ΠΕΠΟΙΗΚΕΝ. ΕΓΩ Δ’ ΗΓΟΥΜΑΙ ΜΕΝ ΤΟΥΣ ΤΑΥΤΑ ΛΕΓΟΝΤΑΣ ΟΥΚ ΑΠΟΤΡΕΠΕΙΝ, ΑΛΛ’ ΕΠΙΣΠΕΥΔΕΙΝ ΤΗΝ ΣΤΡΑΤΕΙΑΝ: ΕΙ ΓΑΡ ΗΜΩΝ ΟΜΟΝΟΗΣΑΝΤΩΝ ΑΥΤΟΣ ΕΝ ΤΑΡΑΧΑΙΣ ΩΝ ΧΑΛΕΠΟΣ ΕΣΤΑΙ ΠΡΟΣΠΟΛΕΜΕΙΝ, Η ΠΟΥ ΣΦΟΔΡΑ ΧΡΗ ΔΕΔΙΕΝΑΙ ΤΟΝ ΚΑΙΡΟΝ ΕΚΕΙΝΟΝ ΟΤΑΝ ΤΑ ΜΕΝ ΤΩΝ ΒΑΡΒΑΡΩΝ ΚΑΤΑΣΤΗ ΚΑΙ ΔΙΑ ΜΙΑΣ ΓΕΝΗΤΑΙ ΓΝΩΜΗΣ, ΗΜΕΙΣ ΔΕ ΠΡΟΣ ΑΛΛΗΛΟΥΣ ΩΣΠΕΡ ΝΥΝ ΠΟΛΕΜΙΚΩΣ ΕΧΩΜΕΝ.
139     ΟΥ ΜΗΝ ΟΥΔ’ ΕΙ ΣΥΝΑΓΟΡΕΥΟΥΣΙΝ ΤΟΙΣ ΥΠ’ ΕΜΟΥ ΛΕΓΟΜΕΝΟΙΣ ΟΥΔ’ ΩΣ ΟΡΘΩΣ ΠΕΡΙ ΤΗΣ ΕΚΕΙΝΟΥ ΔΥΝΑΜΕΩΣ ΓΙΓΝΩΣΚΟΥΣΙΝ. ΕΙ ΜΕΝ ΓΑΡ ΑΠΕΦΑΙΝΟΝ ΑΥΤΟΝ ΑΜΑ ΤΟΙΝ ΠΟΛΕΟΙΝ ΑΜΦΟΤΕΡΟΙΝ ΠΡΟΤΕΡΟΝ ΠΟΤΕ ΠΕΡΙΓΕΓΕΝΗΜΕΝΟΝ, ΕΙΚΟΤΩΣ ΑΝ ΗΜΑΣ ΚΑΙ ΝΥΝ ΕΚΦΟΒΕΙΝ ΕΠΕΧΕΙΡΟΥΝ: ΕΙ ΔΕ ΤΟΥΤΟ ΜΕΝ ΜΗ ΓΕΓΟΝΕΝ, ΑΝΤΙΠΑΛΩΝ Δ’ ΟΝΤΩΝ ΗΜΩΝ ΚΑΙ ΛΑΚΕΔΑΙΜΟΝΙΩΝ ΠΡΟΣΘΕΜΕΝΟΣ ΤΟΙΣ ΕΤΕΡΟΙΣ ΕΠΙΚΥΔΕΣΤΕΡΑ ΤΑ ΠΡΑΓΜΑΤΑ ΘΑΤΕΡ’ ΕΠΟΙΗΣΕΝ, ΟΥΔΕΝ ΕΣΤΙ ΤΟΥΤΟ ΣΗΜΕΙΟΝ ΤΗΣ ΕΚΕΙΝΟΥ ΡΩΜΗΣ. ΕΝ ΓΑΡ ΤΟΙΣ ΤΟΙΟΥΤΟΙΣ ΚΑΙΡΟΙΣ ΠΟΛΛΑΚΙΣ ΜΙΚΡΑΙ ΔΥΝΑΜΕΙΣ ΜΕΓΑΛΑΣ ΤΑΣ ΡΟΠΑΣ ΕΠΟΙΗΣΑΝ, ΕΠΕΙ ΚΑΙ ΠΕΡΙ ΧΙΩΝ ΕΧΟΙΜ’ ΑΝ ΤΟΥΤΟΝ ΤΟΝ ΛΟΓΟΝ ΕΙΠΕΙΝ, ΩΣ ΟΠΟΤΕΡΟΙΣ ΕΚΕΙΝΟΙ ΠΡΟΣΘΕΣΘΑΙ ΒΟΥΛΗΘΕΙΕΝ, ΟΥΤΟΙ ΚΑΤΑ ΘΑΛΑΤΤΑΝ ΚΡΕΙΤΤΟΥΣ ΗΣΑΝ.
140      ΑΛΛΑ ΓΑΡ ΟΥΚ ΕΚ ΤΟΥΤΩΝ ΔΙΚΑΙΟΝ ΕΣΤΙ ΣΚΟΠΕΙΝ ΤΗΝ ΒΑΣΙΛΕΩΣ ΔΥΝΑΜΙΝ, ΕΞ ΩΝ ΜΕΘ’ ΕΚΑΤΕΡΩΝ ΓΕΓΟΝΕΝ, ΑΛΛ’ ΕΞ ΩΝ ΑΥΤΟΝ ΥΠΕΡ ΑΥΤΟΥ ΠΕΠΟΛΕΜΗΚΕΝ. ΚΑΙ ΠΡΩΤΟΝ ΜΕΝ ΑΠΟΣΤΑΣΗΣ ΑΙΓΥΠΤΟΥ ΤΙ ΔΙΑΠΕΠΡΑΚΤΑΙ ΠΡΟΣ ΤΟΥΣ ΕΧΟΝΤΑΣ ΑΥΤΗΝ; ΟΥΚ ΕΚΕΙΝΟΣ ΜΕΝ ΕΠΙ ΤΟΝ ΠΟΛΕΜΟΝ ΤΟΥΤΟΝ ΚΑΤΕΠΕΜΨΕΝ ΤΟΥΣ ΕΥΔΟΚΙΜΩΤΑΤΟΥΣ ΠΕΡΣΩΝ, ΑΒΡΟΚΟΜΑΝ ΚΑΙ ΤΙΘΡΑΥΣΤΗΝ ΚΑΙ ΦΑΡΝΑΒΑΖΟΝ, ΟΥΤΟΙ ΔΕ ΤΡΙ’ ΕΤΗ ΜΕΙΝΑΝΤΕΣ ΚΑΙ ΠΛΕΙΩ ΚΑΚΑ ΠΑΘΟΝΤΕΣ Η ΠΟΙΗΣΑΝΤΕΣ, ΤΕΛΕΥΤΩΝΤΕΣ ΟΥΤΩΣ ΑΠΗΛΛΑΓΗΣΑΝ ΩΣΤΕ ΤΟΥΣ ΑΦΕΣΤΩΤΑΣ ΜΗΚΕΤΙ ΤΗΝ ΕΛΕΥΘΕΡΙΑΝ ΑΓΑΠΑΝ, ΑΛΛ’ ΗΔΗ ΚΑΙ ΤΩΝ ΟΜΟΡΩΝ ΖΗΤΕΙΝ ΕΠΑΡΧΕΙΝ;
141      ΜΕΤΑ ΔΕ ΤΑΥΤ’ ΕΠ’ ΕΥΑΓΟΡΑΝ ΣΤΡΑΤΕΥΣΑΣ, ΟΣ ΑΡΧΕΙ ΜΕΝ ΜΙΑΣ ΠΟΛΕΩΣ [ΤΩΝ ΕΝ ΚΥΠΡΩ], ΕΝ ΔΕ ΤΑΙΣ ΣΥΝΘΗΚΑΙΣ ΕΚΔΟΤΟΣ ΕΣΤΙΝ, ΟΙΚΩΝ ΔΕ ΝΗΣΟΝ ΚΑΤΑ ΜΕΝ ΘΑΛΑΤΤΑΝ ΠΡΟΔΕΔΥΣΤΥΧΗΚΕΝ, ΥΠΕΡ ΔΕ ΤΗΣ ΧΩΡΑΣ ΤΡΙΣΧΙΛΙΟΥΣ ΕΧΕΙ ΜΟΝΟΝ ΠΕΛΤΑΣΤΑΣ, ΑΛΛ’ ΟΜΩΣ ΟΥΤΩ ΤΑΠΕΙΝΗΣ ΔΥΝΑΜΕΩΣ ΟΥ ΔΥΝΑΤΑΙ ΠΕΡΙΓΕΝΕΣΘΑΙ ΒΑΣΙΛΕΥΣ ΠΟΛΕΜΩΝ, ΑΛΛ’ ΗΔΗ ΜΕΝ ΕΞ ΕΤΗ ΔΙΑΤΕΤΡΙΦΕΝ, ΕΙ ΔΕ ΔΕΙ ΤΑ ΜΕΛΛΟΝΤΑ ΤΟΙΣ ΓΕΓΕΝΗΜΕΝΟΙΣ ΤΕΚΜΑΙΡΕΣΘΑΙ, ΠΟΛΥ ΠΛΕΙΩΝ ΕΛΠΙΣ ΕΣΤΙΝ ΕΤΕΡΟΝ ΑΠΟΣΤΗΝΑΙ ΠΡΙΝ ΕΚΕΙΝΟΝ ΕΚΠΟΛΙΟΡΚΗΘΗΝΑΙ: ΤΟΙΑΥΤΑΙ ΒΡΑΔΥΤΗΤΕΣ ΕΝ ΤΑΙΣ ΠΡΑΞΕΣΙΝ ΤΑΙΣ ΒΕΣΙΛΕΩΣ ΕΝΕΙΣΙΝ.
142     ΕΝ ΔΕ ΤΩ ΠΟΛΕΜΩ ΤΩ ΠΕΡΙ ΡΟΔΟΝ ΕΧΩΝ ΜΕΝ ΤΟΥΣ ΛΑΚΕΔΑΙΜΟΝΙΩΝ ΣΥΜΜΑΧΟΥΣ ΕΥΝΟΥΣ ΔΙΑ ΤΗΝ ΧΑΛΕΠΟΤΗΤΑ ΤΩΝ ΠΟΛΙΤΕΙΩΝ, ΧΡΩΜΕΝΟΣ ΔΕ ΤΑΙΣ ΠΑΡ’ ΗΜΩΝ, ΣΤΡΑΤΗΓΟΥΝΤΟΣ Δ’ ΑΥΤΩ ΚΟΝΩΝΟΣ, ΟΝ ΗΝ ΕΠΙΜΕΛΕΣΤΑΤΟΣ ΜΕΝ ΤΩΝ ΣΤΡΑΤΗΓΩΝ, ΠΙΣΤΟΤΑΤΟΣ ΔΕ ΤΟΙΣ ΕΛΛΗΣΙΝ, ΕΜΠΕΙΡΟΤΑΤΟΣ ΔΕ ΤΩΝ ΠΡΟΣ ΤΟΝ ΠΟΛΕΜΟΝ ΚΙΝΔΥΝΩΝ, ΤΟΙΟΥΤΟΝ ΛΑΒΩΝ ΣΥΝΑΓΩΝΙΣΤΗΝ ΤΡΙΑ ΜΕΝ ΕΤΗ ΠΕΡΙΕΙΔΕ ΤΟ  ΝΑΥΤΙΚΟΝ ΤΟ ΠΡΟΚΙΝΔΥΝΕΥΟΝ ΥΠΕΡ ΤΗΣ ΑΣΙΑΣ ΥΠΟ ΤΡΙΗΡΩΝ ΕΚΑΤΟΝ ΜΟΝΩΝ ΠΟΛΙΟΡΚΟΥΜΕΝΟΝ, ΠΕΝΤΕΚΑΙΔΕΚΑ ΔΕ ΜΗΝΩΝ ΤΟΥΣ ΣΤΡΑΤΙΩΤΑΣ ΤΟΝ ΜΙΣΘΟΝ ΑΠΕΣΤΕΡΗΣΕΝ, ΩΣΤΕ ΤΟ ΜΕΝ ΕΠ’ ΕΚΕΙΝΩ ΠΟΛΛΑΚΙΣ ΑΝ ΔΙΕΛΥΘΗΣΑΝ, ΔΙΑ ΔΕ ΤΟΝ ΕΦΕΣΤΩΤΑ [ΚΙΝΔΥΝΟΝ] ΚΑΙ ΤΗΝ ΣΥΜΜΑΧΙΑΝ ΤΗΝ ΠΕΡΙ ΚΟΡΙΝΘΟΝ ΣΥΣΤΑΣΑΝ ΜΟΛΙΣ ΝΑΥΜΑΧΟΥΝΤΕΣ ΕΝΙΚΗΣΑΝ.
143     ΚΑΙ ΤΑΥΤ’ ΕΣΤΙ ΤΑ ΒΑΣΙΛΙΚΩΤΑΤΑ ΚΑΙ ΣΕΜΝΟΤΑΤΑ ΤΩΝ ΕΚΕΙΝΩ ΠΕΠΡΑΓΜΕΝΩΝ, ΚΑΙ ΠΕΡΙ ΩΝ ΟΥΔΕΠΟΤΕ ΠΑΥΟΝΤΑΙ ΛΕΓΟΝΤΕΣ ΟΙ ΒΟΥΛΟΜΕΝΟΙ ΤΑ ΤΩΝ ΒΑΡΒΑΡΩΝ ΜΕΓΑΛΑ ΠΟΙΕΙΝ. ΩΣΤ’ ΟΥΔΕΙΣ ΑΝ ΕΧΟΙ ΤΟΥΤ’ ΕΙΠΕΙΝ ΩΣ ΟΥ ΔΙΚΑΙΩΣ ΧΡΩΜΑΙ ΤΟΙΣ ΠΑΡΑΔΕΙΓΜΑΣΙΝ, ΟΥΔ’ ΩΣ ΕΠΙ ΜΙΚΡΟΙΣ ΔΙΑΤΡΙΒΩ ΤΑΣ ΜΕΓΙΣΤΑΣ ΤΩΝ ΠΡΑΞΕΩΝ ΠΑΡΑΛΕΙΠΩΝ:
144      ΦΕΥΓΩΝ ΓΑΡ ΤΑΥΤΗΝ ΤΗΝ ΑΙΤΙΑΝ ΤΑ ΚΑΛΛΙΣΤΑ ΤΩΝ ΕΡΓΩΝ ΔΙΗΛΘΟΝ, ΟΥΚ ΑΜΝΗΜΟΝΩΝ ΟΥΔ’ ΕΚΕΙΝΩΝ, ΟΤΙ ΔΕΡΚΥΛΙΔΑΣ ΜΕΝ ΧΙΛΙΟΥΣ ΕΧΩΝ ΟΠΛΙΤΑΣ ΤΗΣ ΑΙΟΛΙΔΟΣ ΕΠΗΡΧΕΝ, ΔΡΑΚΩΝ Δ’ ΑΤΑΡΝΕΑ ΚΑΤΑΛΑΒΩΝ ΚΑΙ ΤΡΙΣΧΙΛΙΟΥΣ ΠΕΛΤΑΣΤΑΣ ΣΥΛΛΕΞΑΣ ΤΟ ΜΥΣΙΟΝ ΠΕΔΙΟΝ ΑΝΑΣΤΑΤΟΝ ΕΠΟΙΗΣΕΝ, ΘΙΒΡΩΝ Δ’ ΟΛΙΓΩ ΠΛΕΙΟΥΣ ΤΟΥΤΩΝ ΔΙΑΒΙΒΑΣΑΣ ΤΗΝ ΛΥΔΙΑΝ ΑΠΑΣΑΝ ΕΠΟΡΘΗΣΕΝ, ΑΓΗΣΙΛΑΟΣ ΔΕ ΤΩ ΚΥΡΕΙΩ ΣΤΡΑΤΕΥΜΑΤΙ ΧΡΩΜΕΝΟΣ ΜΙΚΡΟΥ ΔΕΙΝ ΤΗΣ ΕΝΤΟΣ ΑΛΥΟΣ ΧΩΡΑΣ ΕΚΡΑΤΗΣΕΝ.
145     ΚΑΙ ΜΗΝ ΟΥΔΕ ΤΗΝ ΣΤΡΑΤΙΑΝ ΤΗΝ ΜΕΤΑ ΤΟΥ ΒΑΣΙΛΕΩΣ ΠΕΡΙΠΟΛΟΥΣΑΝ, ΟΥΔΕ ΤΗΝ ΠΕΡΣΩΝ ΑΝΔΡΕΙΑΝ ΑΞΙΟΝ ΦΟΒΗΘΗΝΑΙ: ΚΑΙ ΓΑΡ ΕΚΕΙΝΟΙ ΦΑΝΕΡΩΣ ΕΠΕΔΕΙΧΘΗΣΑΝ ΥΠΟ ΤΩΝ ΚΥΡΩ ΣΥΝΑΝΑΒΑΝΤΩΝ ΟΥΔΕΝ ΒΕΛΤΙΟΥΣ ΟΝΤΕΣ ΤΩΝ ΕΠΙ ΘΑΛΑΤΤΗ. ΤΑΣ ΜΕΝ ΓΑΡ ΑΛΛΑΣ ΜΑΧΑΣ ΟΣΑΣ ΗΤΤΗΘΗΣΑΝ ΕΩ, ΚΑΙ ΤΙΘΗΜΙ ΣΤΑΣΙΑΖΕΙΝ ΑΥΤΟΥΣ ΚΑΙ ΜΗ ΒΟΥΛΕΣΘΑΙ ΠΡΟΘΥΜΩΣ ΠΡΟΣ ΤΟΝ ΑΔΕΛΦΟΝ ΤΟΝ ΒΑΣΙΛΕΩΣ ΔΙΑΚΙΝΔΥΝΕΥΕΙΝ.
146      ΑΛΛ’ ΕΠΕΙΔΗ ΚΥΡΟΥ ΤΕΛΕΥΤΗΣΑΝΤΟΣ ΣΥΝΗΛΘΟΝ ΑΠΑΝΤΕΣ ΟΙ ΤΗΝ ΑΣΙΑΝ ΚΑΤΟΙΚΟΥΝΤΕΣ, ΕΝ ΤΟΥΤΟΙΣ ΤΟΙΣ ΚΑΙΡΟΙΣ ΟΥΤΩΣ ΑΙΣΧΡΩΣ ΕΠΟΛΕΜΗΣΑΝ ΩΣΤΕ ΜΗΔΕΝΑ ΛΟΓΟΝ ΥΠΟΛΙΠΕΙΝ ΤΟΙΣ ΕΙΘΙΣΜΕΝΟΙΣ ΤΗΝ ΠΕΡΣΩΝ ΑΝΔΡΕΙΑΝ ΕΠΑΙΝΕΙΝ. ΛΑΒΟΝΤΕΣ ΓΑΡ ΕΞΑΚΙΣΧΙΛΙΟΥΣ ΤΩΝ ΕΛΛΗΝΩΝ ΟΥΚ ΑΡΙΣΤΙΝΔΗΝ ΕΠΕΙΛΕΓΜΕΝΟΥΣ, ΑΛΛ’ ΟΙ ΔΙΑ ΦΑΥΛΟΤΗΤ’ ΕΝ ΤΑΙΣ ΑΥΤΩΝ [ΠΟΛΕΣΙΝ] ΟΥΧ ΟΙΟΙ Τ’ ΗΣΑΝ ΖΗΝ, ΑΠΕΙΡΟΥΣ ΜΕΝ ΤΗΣ ΧΩΡΑΣ ΟΝΤΑΣ, ΕΡΗΜΟΥΣ ΔΕ ΣΥΜΜΑΧΩΝ ΓΕΓΕΝΗΜΕΝΟΥΣ, ΠΡΟΔΕΔΟΜΕΝΟΥΣ Δ’ ΥΠΟ ΤΩΝ ΣΥΝΑΝΑΒΑΝΤΩΝ, ΑΠΕΣΤΕΡΗΜΕΝΟΥΣ ΔΕ ΤΟΥ ΣΤΡΑΤΗΓΟΥ ΜΕΘ’ ΟΥ ΣΥΝΗΚΟΛΟΥΘΗΣΑΝ,
147     ΤΟΣΟΥΤΟΝ ΑΥΤΩΝ ΗΤΤΟΥΣ ΗΣΑΝ ΩΣΘ’ Ο ΒΑΣΙΛΕΥΣ ΑΠΟΡΗΣΑΣ ΤΟΙΣ ΠΑΡΟΥΣΙ ΠΡΑΓΜΑΣΙΝ ΚΑΙ ΚΑΤΑΦΡΟΝΗΣΑΣ ΤΗΣ ΠΕΡΙ ΑΥΤΟΝ ΔΥΝΑΜΕΩΣ ΤΟΥΣ ΑΡΧΟΝΤΑΣ ΤΟΥΣ ΤΩΝ ΕΠΙΚΟΥΡΩΝ ΥΠΟΣΠΟΝΔΟΥΣ ΣΥΛΛΑΒΕΙΝ ΕΤΟΛΜΗΣΕΝ, ΩΣ ΕΙ ΤΟΥΤΟ ΠΑΡΑΝΟΜΗΣΕΙΕΝ ΣΥΝΤΑΡΑΞΩΝ ΤΟ ΣΤΡΑΤΟΠΕΔΟΝ, ΚΑΙ ΜΑΛΛΟΝ ΕΙΛΕΤΟ ΠΕΡΙ ΤΟΥΣ ΘΕΟΥΣ ΕΞΑΜΑΡΤΕΙΝ Η ΠΡΟΣ ΕΚΕΙΝΟΥΣ ΕΚ ΤΟΥ ΦΑΝΕΡΟΥ ΔΙΑΓΩΝΙΣΑΣΘΑΙ.
148    ΔΙΑΜΑΡΤΩΝ ΔΕ ΤΗΣ ΕΠΙΒΟΥΛΗΣ ΚΑΙ ΤΩΝ ΣΤΡΑΤΙΩΤΩΝ ΣΥΜΜΕΙΝΑΝΤΩΝ ΚΑΙ ΚΑΛΩΣ ΕΝΕΓΚΟΝΤΩΝ ΤΗΝ ΣΥΜΦΟΡΑΝ, ΑΠΙΟΥΣΙΝ ΑΥΤΟΙΣ ΤΙΣΣΑΦΕΡΝΗΝ ΚΑΙ ΤΟΥΣ ΙΠΠΕΑΣ ΣΥΝΕΠΕΜΨΕΝ, ΥΦ’ ΩΝ ΕΚΕΙΝΟΙ ΠΑΡΑ ΠΑΣΑΝ ΕΠΙΒΟΥΛΕΥΟΜΕΝΟΙ ΤΗΝ ΟΔΟΝ ΟΜΟΙΩΣ ΔΙΕΠΟΡΕΥΘΗΣΑΝ ΩΣΠΕΡΑΝΕΙ ΠΡΟΠΕΜΠΟΜΕΝΟΙ, ΜΑΛΙΣΤΑ ΜΕΝ ΦΟΒΟΥΜΕΝΟΙ ΤΗΝ ΑΟΙΚΗΤΟΝ ΤΗΣ ΧΩΡΑΣ, ΜΕΓΙΣΤΟΝ ΔΕ ΤΩΝ ΑΓΑΘΩΝ ΝΟΜΙΖΟΝΤΕΣ, ΕΙ ΤΩΝ ΠΟΛΕΜΙΩΝ ΩΣ ΠΛΕΙΣΤΟΙΣ ΕΝΤΥΧΟΙΕΝ.
149      ΚΕΦΑΛΑΙΟΝ ΔΕ ΤΩΝ ΕΙΡΗΜΕΝΩΝ: ΕΚΕΙΝΟΙ ΓΑΡ ΟΥΚ ΕΠΙ ΛΕΙΑΝ ΕΛΘΟΝΤΕΣ, ΟΥΔΕ ΚΩΜΗΝ ΚΑΤΑΛΑΒΟΝΤΕΣ, ΑΛΛ’ ΕΠ’ ΑΥΤΟΝ ΤΟΝ ΒΑΣΙΛΕΑ ΣΤΡΑΤΕΥΣΑΝΤΕΣ, ΑΣΦΑΛΕΣΤΕΡΟΝ ΚΑΤΕΒΗΣΑΝ ΤΩΝ ΠΕΡΙ ΦΙΛΙΑΣ ΩΣ ΑΥΤΟΝ ΠΡΕΣΒΕΥΟΝΤΩΝ. ΩΣΤΕ ΜΟΙ ΔΟΚΟΥΣΙΝ ΕΝ ΑΠΑΣΙ ΤΟΙΣ ΤΟΠΟΙΣ ΣΑΦΩΣ ΕΠΙΔΕΔΕΙΧΘΑΙ ΤΗΝ ΑΥΤΩΝ ΜΑΛΑΚΙΑΝ: ΚΑΙ ΓΑΡ ΕΝ ΤΗ ΠΑΡΑΛΙΑ ΤΗΣ ΑΣΙΑΣ ΠΟΛΛΑΣ ΜΑΧΑΣ ΗΤΤΗΝΤΑΙ, ΚΑΙ ΔΙΑΒΑΝΤΕΣ ΕΙΣ ΤΗΝ ΕΥΡΩΠΗΝ ΔΙΚΗΝ ΕΔΟΣΑΝ, -ΟΙ ΜΕΝ ΓΑΡ ΑΥΤΩΝ ΚΑΚΩΣ ΑΠΩΛΟΝΘ’, ΟΙ Δ’ ΑΙΣΧΡΩΣ ΕΣΩΘΗΣΑΝ,- ΚΑΙ ΤΕΛΕΥΤΩΝΤΕΣ ΥΠ’ ΑΥΤΟΙΣ ΤΟΙΣ ΒΑΣΙΛΕΙΟΙΣ ΚΑΤΑΓΕΛΑΣΤΟΙ ΓΕΓΟΝΑΣΙΝ.
150      ΚΑΙ ΤΟΥΤΩΝ ΟΥΔΕΝ ΑΛΟΓΩΣ ΓΕΓΟΝΕΝ, ΑΛΛΑ ΠΑΝΤ’ ΕΙΚΟΤΩΣ ΑΠΟΒΕΒΗΚΕΝ: ΟΥ ΓΑΡ ΟΙΟΝ ΤΕ ΤΟΥΣ ΟΥΤΩ ΤΡΕΦΟΜΕΝΟΥΣ ΚΑΙ ΠΟΛΙΤΕΥΟΜΕΝΟΥΣ ΟΥΤΕ ΤΗΣ ΑΛΛΗΣ ΑΡΕΤΗΣ ΜΕΤΕΧΕΙΝ ΟΥΤ’ ΕΝ ΤΑΙΣ ΜΑΧΑΙΣ ΤΡΟΠΑΙΟΝ ΙΣΤΑΝΑΙ ΤΩΝ ΠΟΛΕΜΙΩΝ. ΠΩΣ ΓΑΡ ΕΝ ΤΟΙΣ ΕΚΕΙΝΩΝ ΕΠΙΤΗΔΕΥΜΑΣΙΝ ΕΓΓΕΝΕΣΘΑΙ ΔΥΝΑΙΤ’ ΑΝ Η ΣΤΡΑΤΗΓΟΣ ΔΕΙΝΟΣ Η ΣΤΡΑΤΙΩΤΗΣ ΑΓΑΘΟΣ, ΩΝ ΤΟ ΜΕΝ ΠΛΕΙΣΤΟΝ ΕΣΤΙΝ ΟΧΛΟΣ ΑΤΑΚΤΟΣ ΚΑΙ ΚΙΝΔΥΝΩΝ ΑΠΕΙΡΟΣ, ΠΡΟΣ ΜΕΝ ΤΟΝ ΠΟΛΕΜΟΝ ΕΚΛΕΛΥΜΕΝΟΣ, ΠΡΟΣ ΔΕ ΤΗΝ ΔΟΥΛΕΙΑΝ ΑΜΕΙΝΟΝ ΤΩΝ ΠΑΡ’ ΗΜΙΝ ΟΙΚΕΤΩΝ ΠΕΠΑΙΔΕΥΜΕΝΟΣ;
151 ΟΙ Δ’ ΕΝ ΤΑΙΣ ΜΕΓΙΣΤΑΙΣ ΔΟΞΑΙΣ ΟΝΤΕΣ ΑΥΤΩΝ ΟΜΑΛΩΣ ΜΕΝ ΟΥΔΕ ΚΟΙΝΩΣ ΟΥΔΕ ΠΟΛΙΤΙΚΩΣ ΟΥΔΕΠΩΠΟΤ’ ΕΒΙΩΣΑΝ, ΑΠΑΝΤΑ ΔΕ ΤΟΝ ΧΡΟΝΟΝ ΔΙΑΓΟΥΣΙΝ ΕΙΣ ΜΕΝ ΤΟΥΣ ΥΒΡΙΖΟΝΤΕΣ, ΤΟΙΣ ΔΕ ΔΟΥΛΕΥΟΝΤΕΣ, ΩΣ ΑΝ ΑΝΘΡΩΠΟΙ ΜΑΛΙΣΤΑ ΤΑΣ ΦΥΣΕΙΣ ΔΙΑΦΘΑΡΕΙΝ, ΚΑΙ ΤΑ ΜΕΝ ΣΩΜΑΤΑ ΔΙΑ ΤΟΥΣ ΠΛΟΥΤΟΥΣ ΤΡΥΦΩΝΤΕΣ, ΤΑΣ ΔΕ ΨΥΧΑΣ ΔΙΑ ΤΑΣ ΜΟΝΑΡΧΙΑΣ ΤΑΠΕΙΝΑΣ ΚΑΙ ΠΕΡΙΔΕΕΙΣ ΕΧΟΝΤΕΣ, ΕΞΕΤΑΖΟΜΕΝΟΙ ΠΡΟΣ ΑΥΤΟΙΣ ΤΟΙΣ ΒΑΣΙΛΕΙΟΙΣ ΚΑΙ ΠΡΟΚΑΛΙΝΔΟΥΜΕΝΟΙ ΚΑΙ ΠΑΝΤΑ ΤΡΟΠΟΝ ΜΙΚΡΟΝ ΦΡΟΝΕΙΝ ΜΕΛΕΤΩΝΤΑΣ, ΘΝΗΤΟΝ ΜΕΝ ΑΝΔΡΑ ΠΡΟΣΚΥΝΟΥΝΤΕΣ ΚΑΙ ΔΑΙΜΟΝΑ ΠΡΟΣΑΓΟΡΕΥΟΝΤΕΣ, ΤΩΝ ΔΕ ΘΕΩΝ ΜΑΛΛΟΝ Η ΤΩΝ ΑΝΘΡΩΠΩΝ ΟΛΙΓΩΡΟΥΝΤΕΣ.
152 ΤΟΙΓΑΡΟΝ ΟΙ ΚΑΤΑΒΑΙΝΟΝΤΕΣ ΑΥΤΩΝ ΕΠΙ ΘΑΛΑΤΤΑΝ, ΟΥΣ ΚΑΛΟΥΣΙΝ ΣΑΤΡΑΠΑΣ, ΟΥ ΚΑΤΑΙΣΧΥΝΟΥΣΙΝ ΤΗΝ ΕΚΕΙ ΠΑΙΔΕΥΣΙΝ, ΑΛΛ’ ΕΝ ΤΟΙΣ ΗΘΕΣΙ ΤΟΙΣ ΑΥΤΟΙΣ ΔΙΑΜΕΝΟΥΣΙΝ, ΠΡΟΣ ΜΕΝ ΤΟΥΣ ΦΙΛΟΥΣ ΑΠΙΣΤΩΣ, ΠΡΟΣ ΔΕ ΤΟΥΣ ΕΧΘΡΟΥΣ ΑΝΑΝΔΡΩΣ ΕΧΟΝΤΕΣ, ΚΑΙ ΤΑ ΜΕΝ ΤΑΠΕΙΝΩΣ, ΤΑ Δ’ ΥΠΕΡΗΦΑΝΩΣ ΖΩΝΤΕΣ, ΤΩΝ ΜΕΝ ΣΥΜΜΑΧΩΝ ΚΑΤΑΦΡΟΝΟΥΝΤΕΣ, ΤΟΥΣ ΔΕ ΠΟΛΕΜΙΟΥΣ ΘΕΡΑΠΕΥΟΝΤΕΣ.
153   ΤΗΝ ΜΕΝ ΓΕ ΜΕΤ’ ΑΓΗΣΙΛΑΟΥ ΣΤΡΑΤΙΑΝ ΟΚΤΩ ΜΗΝΑΣ ΤΑΙΣ ΑΥΤΩΝ ΔΑΠΑΝΑΙΣ ΔΙΕΘΡΕΨΑΝ, ΤΟΥΣ Δ’ ΥΠΕΡ ΑΥΤΩΝ ΚΙΝΔΥΝΕΥΟΝΤΑΣ ΕΤΕΡΟΥ ΤΟΣΟΥΤΟΥ ΧΡΟΝΟΥ ΤΟΝ ΜΙΣΘΟΝ ΑΠΕΣΤΕΡΗΣΑΝ: ΚΑΙ ΤΟΙΣ ΜΕΝ ΚΙΣΘΗΝΗΝ ΚΑΤΑΛΑΒΟΥΣΙΝ ΕΚΑΤΟΝ ΤΑΛΑΝΤΑ ΔΙΕΝΕΙΜΑΝ, ΤΟΥΣ ΔΕ ΜΕΘ’ ΑΥΤΩΝ ΕΙΣ ΚΥΠΡΟΝ ΣΤΡΑΤΕΥΣΑΜΕΝΟΥΣ ΜΑΛΛΟΝ Η ΤΟΥΣ ΑΙΧΜΑΛΩΤΟΥΣ ΥΒΡΙΖΟΝ.
154      ΩΣ Δ’ ΑΠΛΩΣ ΕΙΠΕΙΝ ΚΑΙ ΜΗ ΚΑΘ’ ΕΝ ΕΚΑΣΤΟΝ, ΑΛΛ’ ΩΣ ΕΠΙ ΤΟ ΠΟΛΥ, ΤΙΣ Η ΤΩΝ ΠΟΛΕΜΗΣΑΝΤΩΝ ΑΥΤΟΙΣ ΟΥΚ ΕΥΔΑΙΜΟΝΗΣΑΣ ΑΠΗΛΘΕΝ, Η ΤΩΝ ΥΠ’ ΕΚΕΙΝΟΙΣ ΓΕΝΟΜΕΝΩΝ ΟΥΚ ΑΙΚΙΣΘΕΙΣ ΤΟΝ ΒΙΟΝ ΕΤΕΛΕΥΤΗΣΕΝ; ΟΥ ΚΟΝΩΝΑ ΜΕΝ ΟΣ ΥΠΕΡ ΤΗΣ ΑΣΙΑΣ ΣΤΡΑΤΗΓΗΣΑΣ ΤΗΝ ΑΡΧΗΝ ΤΗΝ ΛΑΚΕΔΑΙΜΟΝΙΩΝ ΚΑΤΕΛΥΣΕΝ, ΕΠΙ ΘΑΝΑΤΩ ΣΥΛΛΑΒΕΙΝ ΕΤΟΛΜΗΣΑΝ, ΘΕΜΙΣΤΟΚΛΕΑ Δ’ ΟΣ ΥΠΕΡ ΤΗΣ ΕΛΛΑΔΟΣ. ΑΥΤΟΥΣ ΚΑΤΕΝΑΥΜΑΧΗΣΕ, ΤΩΝ ΜΕΓΙΣΤΩΝ ΔΩΡΕΩΝ ΗΞΙΩΣΑΝ;
155     ΚΑΙΤΟΙ ΠΩΣ ΧΡΗ ΤΗΝ ΤΟΥΤΩΝ ΦΙΛΙΑΝ ΑΓΑΠΑΝ, ΟΙ ΤΟΥΣ ΜΕΝ ΕΥΕΡΓΕΤΑΣ ΤΙΜΩΡΟΥΝΤΑΙ, ΤΟΥΣ ΔΕ ΚΑΚΩΣ ΠΟΙΟΥΝΤΑΣ ΟΥΤΩΣ ΕΠΙΦΑΝΩΣ ΚΟΛΑΚΕΥΟΥΣΙΝ; ΠΕΡΙ ΤΙΝΑΣ Δ΄ΗΜΩΝ ΟΥΚ ΕΞΗΜΑΡΤΗΚΑΣΙΝ; ΠΟΙΟΝ ΔΕ ΧΡΟΝΟΝ ΔΙΑΛΕΛΟΙΠΑΣΙΝ ΕΠΙΒΟΥΛΕΥΟΝΤΕΣ ΤΟΙΣ ΕΛΛΗΣΙΝ; ΤΙ Δ’ ΟΥΚ ΕΧΘΡΟΝ ΑΥΤΟΙΣ ΕΣΤΙΝ ΤΩΝ ΠΑΡ’ ΗΜΙΝ, ΟΙ ΚΑΙ ΤΑ ΤΩΝ ΘΕΩΝ ΕΔΗ ΚΑΙ ΤΟΥΣ ΝΕΩΣ ΣΥΛΑΝ ΕΝ ΤΩ ΠΡΟΤΕΡΩ ΠΟΛΕΜΩ ΚΑΙ ΚΑΤΑΚΑΕΙΝ ΕΤΟΛΜΗΣΑΝ;
156 ΔΙΟ ΚΑΙ ΤΟΥΣ ΙΩΝΑΣ ΑΞΙΟΝ ΕΠΑΙΝΕΙΝ ΟΤΙ ΤΩΝ ΕΜΠΡΗΣΘΕΝΤΩΝ ΙΕΡΩΝ ΕΠΗΡΑΣΑΝΤ’ ΕΙ ΤΙΝΕΣ ΚΙΝΗΣΕΙΑΝ Η ΠΑΛΙΝ ΕΙΣ ΤΑΡΧΑΙΑ ΚΑΤΑΣΤΗΝΑΙ ΒΟΥΛΗΘΕΙΕΝ, ΟΥΚ ΑΠΟΡΟΥΝΤΕΣ ΠΟΘΕΝ ΕΠΙΣΚΕΥΑΣΩΣΙΝ, ΑΛΛ’ ΙΝ’ ΥΠΟΜΝΗΜΑ ΤΟΙΣ ΕΠΙΓΙΓΝΟΜΕΝΟΙΣ Η ΤΗΣ ΤΩΝ ΒΑΡΒΑΡΩΝ ΑΣΕΒΕΙΑΣ, ΚΑΙ ΜΗΔΕΙΣ ΠΙΣΤΕΥΗ ΤΟΙΣ ΤΟΙΑΥΤ’ ΕΙΣ ΤΑ ΤΩΝ ΘΕΩΝ [ΕΔΗ] ΕΞΑΜΑΡΤΕΙΝ ΤΟΛΜΩΣΙΝ, ΑΛΛΑ ΚΑΙ ΦΥΛΑΤΤΩΝΤΑΙ ΚΑΙ ΔΕΔΙΩΣΙΝ, ΟΡΩΝΤΕΣ ΑΥΤΟΥΣ ΟΥ ΜΟΝΟΝ ΤΟΙΣ ΣΩΜΑΣΙΝ ΗΜΩΝ, ΑΛΛΑ ΚΑΙ ΤΟΙΣ ΑΝΑΘΗΜΑΣΙΝ ΠΟΛΕΜΗΣΑΝΤΑΣ.
Επιστροφή στα περιεχόμενα   -  |  -   Συνέχεια